fbpx

Këshilla për një pastrim të detajuar të shtëpisë!

Dimri ka mbaruar dhe Shtëpisë i duhet një pastrim i mirë.
💎 Për larjen e jorganëve dhe jastëkëve të mbushur me fibra sintetike (vatinë) mund të bëhet në lavatriçe, por duhet të hidhni 1/3 e sasisë së detergjentit që hidhni zakonisht (kështu evitoni shpërthime të pakontrolluara të shkumës).  Për t’i tharë, nderini normalisht, por shkundini dhe ndryshoni krahun e nderjes çdo 2 orë, në mënyrë që të evitoni krijimin e gungave. Evitoni pastrimin kimik, sepse produktet kimike të përdorura mund të dëmtojnë mbushjen e tyre.
💎 Për mobiljet e lëkurës: Duhet të pastrohen rregullisht duke përdorur një cohë të butë ose mikro-fibër për të marrë pluhurat në sipërfaqe. Më pas, me një cohë të lagur në ujë me pak shampo trupi me përmbajtje kremi si Dove dhe të shtrydhur mirë pastroni gjithë sipërfaqen, pa e shpëlarë.
💎 Për mobiljet e drurit: Shenjat e kondesimit të ujit në dru mund të hiqen duke i fërkuar me një cohë të lagur me përzierje të barabartë uthulle dhe vaji vegjetal.
💎 Për makinën e larjes së enëve: Duhet pastruar here pas here duke hedhur 2 gota uthull në bazën e makinës dhe vëreni në punë në proçesin e shkurtër. Pas 20 min. ndërpriteni proçesin dhe lëreni në qetësi për 2 -3 orë, në mënyrë që uthulla të veprojë. Pas kësaj, përfundoni procesin normalisht. Kini parasysh që para se të fusni enët, t’i pastroni nga mbeturinat me ndihmën e një furçe.
💎 Për pastrimin e hekurit me avull: Për depozitën e ujit, përgatitet një përzierje me ½ ujë dhe ½ uthull dhe mbushet hekuri si zakonisht. Vihet në punë dhe lihet për 5 – 10 minuta, pastaj lihet për 5 minuta të nxjerrë avull mbi një cohë të vjetër. Zbrazet depozita dhe mbushet me ujë të pastër, lihet sërish të nxjerrë avull mbi një cohë të vjetër. Për pastrimin e sipërfaqes së hekurit, bëhet një pastë me sodë buke dhe pak uthull, fërkohet me një cohë të butë, pastaj shpëlahet. Zbrazet depozita dhe hekuri është gati.
💎 Për furrën me mikrovalë: pastrohet lehtë, duke futur brenda një tas metalik me ½ sasi uthull dhe ½ sasi ujë. Vihet me të gjithë fuqinë për 3-4 minuta. Fshihet gjithandej me një cohë të thatë e të butë.
💎 Për shkëlqimin enëve të bakrit: Fërkojini me një gjysmë limoni të zhytur në kripë të hollë. Më pas, i shpëlani dhe i thani me një cohë të butë.
💎 Për objektet prej argjendi: Pastrojini fare lehtë me një pastë të krijuar me 1 masë ujë e 3 masa sodë buke. Shpëlahen dhe thahen me një cohë të butë.
💎 Për erën e rëndë të tapetit: Shpërndani sodë buke mbi të dhe mundësisht lëreni kështu gjithë natën. Në mëngjes, hiqni pjesën më te madhe të sodës më furçë, ndërsa pjesa tjetër thithet me fshesë me korrent.
💎 Për lavapjatën e inoksit: Spërkasni lavapjatën e thatë me miell, fërkojeni lehtë me një cohë të butë dhe lëreni në qetësi për pak minuta. Shpëlani miellin dhe shkëlqimi është kthyer përsëri.