Zhvendosja është stresuese në çdo rast, brenda apo jashtë qytetit.
Sapo ju mbyllni shitjen e shtëpisë, realiteti i paketimit, lëvizjes dhe ngritja e një shtëpie të re është dërrmuese. Planifikimi i mirë mund ta bëjë më pak stresuese dhe për këtë ndiqni këshillat:
Fillimi.
» Kur ju e dini ditën e largimit nga shtëpia që shitët, vendosni afate kohore që të siguroheni se detyrat themelore do të kryhen në kohë.
» Llogarisni listën e sendeve që do të lëvizni, që të llogarisni se si dhe me kë do ta bëni zhvendosjen e tyre. Çfarë mjetesh ju duhen dhe sa njerëz.
» Nëse do ta bëni me kompani, rezervoni ditën dhe datën.
Përgatisni mirë zhvendosjen për të shpëtuar nga sende që nuk i doni më, nga gjëra të mbetura nëpër cepa që thjesht i keni harruar pa i hequr. Ato largojini.
Largimi nga shtëpia që keni shitur është rast i mirë për të larguar, falur, hedhur sende apo objekte të cilat nuk i përdorni.
- Ndryshoni adresën në institucionet ku duhet ta bësh;
- Ndryshoni adresën te:
- Punëdhënësi.
- Banka.
- Utilitetet (ujë, drita).
- Kompaninë e internetit.
- Kompaninë e sigurimit, nëse keni sigurim shtëpie etj.
- Gjendjen civile si dhe të gjitha vendet ku duhet të paraqisni ndryshimin e vendbanimit.
Paketimi.
» Paketoni në kuti sendet sipas llojit, duke shënuar sipër përmbajtjen e kutisë dhe dhomën ku do t’i vendosni.
» Mobiljet vishini me qese dhe kapini mirë.
» Siguroni më parë: kutitë, qeset, ngjitëset, etiketat, letra dhe qese paketimi, etj.
» Kujdes për mobiljet që kur zbërthehen kanë pjesë si vida, aksesorë, brava, etj.
Bëni zhvendosjen.
» Pastroni e lini të pastër shtëpinë para largimit.
Ngrohja e shtëpisë suaj të re.
» Sapo të jeni stabilizuar në shtëpinë e re, ftoni familjarët, miqtë për të festuar. Atmosfera që ata krijojnë është e mrekullueshme për ta ngrohur mjedisin tuaj të ri dhe atmosferën.
Duhet të blej apo të marr shtëpi me qira në një zonë të re?
Shitësit e shtëpisë shpesh janë në mëdyshje, nëse duhet të marrin me qira
shtëpi në një zone tjetër apo të blejnë menjëherë një shtëpi tjetër.
Gjeni pro-të dhe kundra-t për këto, për të kuptuar se cila është më e mira për ju.
Pro-të për të shkuar në shtëpi me qira!
» Duke marrë një shtëpi me qira në një zonë të re që ju pëlqen, keni mundësi ta njihni zonën më mirë,nuk do keni presionin për të zgjedhur për blerje dhe keni mundësi të eksploroni me qetësi pronat që dalin në shitje aty.
Psh. nëse shkoni në qytet të ri për punë, qiraja mund të jetë zgjidhja më e përshtatshme sa të testoni veten dhe të kuptoni a doni të jetoni aty.
Kundra – për të shkuar në shtëpi me qira!
» Nëse më parë ju e keni pasur në pronësi shtëpinë, lëvizja drejt një shtëpie me qira mund t’ju duket si “hap mbrapa”. Kjo mund tju vendosi ju në pozitën që t’i vendosni gjërat tuaja në ambjente që nuk janë fiks për to dhe duhet të bëni shpenzime ekstra për të plotësuar garderobën, kuzhinën dhe paisjet që keni, këpucët, shtresat dhe mbulesat etj.
Kjo mund t’ju çojë që të vendosni në depo gjëra që ju duhen dhe që i përdorni.
Por nëse qëllimi final është blerja e një shtëpie, i bie të lëvizni përsëri plaçkat tuaja, pra të zhvendoseni 2 herë, gjë që krijon shumë stres dhe ka kostot e veta. Pra, sa më gjatë që ju qëndroni me qira, aq më gjatë ju vononi ndërtimin e pasurisë tuaj.
Pro-të dhe Kundra-t e blerjes!
Shitësit e shtëpisë shpesh janë në mëdyshje, nëse duhet të marrin me qira shtëpi
në një zonë tjetër apo të blejnë menjëherë një shtëpi tjetër.
Gjeni pro-të dhe kundra-t për këto, për të kuptuar se cila është më e mira për ju.
Pro-të e blerjes!
» Blerja menjëherë e një shtëpie, pasi shet të parën, është sipërmarrje e madhe finaciare krahasuar me qiramarrjen.
Ju nuk do ndjeheni keq nga lëvizja nga një shtëpi jotja në një shtëpi me qira dhe nuk do zhvendoseni dy herë në një kohë të shkurtër.
Ndërkohë, blerja e shtëpisë është porta për të ndërtuar pasurinë tuaj.
Kundra-t e blerjes!
» Nëse ju nuk e keni vizituar qytetin tuaj të ri, do të duhet të provoni ndjesitë që ju jep zona. Blerja e shtëpisë kërkon sipërmarrje domethënëse financiare, veçanërisht nëse tregu ku po shkoni ka çmime më të larta.
Kështu, shpërblimi i blerjes me sukses të shtëpisë, si proces plot detaje dhe kohës së vështirë i shtohet edhe zhvendosja.
Për më tepër, si pronar, ju jeni përgjegjës për mirëmbajtjen e shtëpisë tuaj. Bërja e riparimeve, rregullimi i kopshtit, dhe mbajtja e gjithë sistemeve në punë kërkon kohë dhe para.
Përfundimisht, nëse është më mirë të blesh apo të marrësh shtëpi me qira, kur shkoni të banoni në zonë të re varet nga cfarë është e mirë për ju dhe për mobiljet dhe gjërat që keni.
Po kërkoni të zini rrënjë menjëherë?
Apo ju preferoni të jetoni në zonë për ca kohë përpara se të vendosni ku të jetoni?
Merrni kohën për të konsideruar këto faktorë dhe punoni ngushtësisht me një Agjenci pronash dhe agjent që do tju ndihmojnë në këtë rrugëtim.
Si ta pastroj shtëpinë?
» Pastrimi me themel i shtëpisë pas largimit të mobiljeve e sendeve tuaja e të familjes duhet bërë mirë. Nëse shtëpia që po shisni është private, keni mundësi të mira për të liruar ambjentet e brendshme, të pastroni dhe të përgatiteni për të lëvizur në lokacion të ri.
Në çdo rast falini ose dhurojini sendet e papërdorshme dhe përfshini të gjithë familjen në transferimin e shtëpisë.
Si mund ta bëj largimin sa më të lehtë?
» Jini sa më i organizuar që mundeni kur paketoni plaçkat. Mobiljet, elektroshtëpiaket, veshjet, këpucët, sendet personale, enët e guzinës, planifikoni lëvizjen më parë, dhe siguroni utilitetet tek shtëpia e re.
Urime për shtëpinë e re!
Ju kaluat përmes një procesi të ndërlikuar e plot mundime dhe emocione.
Për të mbrojtur veten dhe investimin tuaj, bëni këto gjëra ndërsa transferoheni:
- Ndryshoni bravat e dyerve dhe të garazhit.
- Kontrolloni fikëset e zjarrit dhe detektorët.
- Instaloni një sistem sigurie me kamera dhe sinjal alarmi.
- Takojini fqinjët.
Ndërtoni një sens komuniteti duke i takuar fqinjët dhe duke u çuar një dhuratë të vogël falenderimi për zhurmën dhe rrëmujën që krijuat me ardhjen në shtëpinë e re.
Kjo do t‘ju bëj të shikoni se kujt do t’ia besoni për të hedhur një sy, kur ju nuk jeni në shtëpi ose kur t’ju duhet ndihmë.