Çfarë çmimi?
Është e natyrshme që shitësi do t’i bëjë hapat e shitjes siç duhet, por azhornimi me çmimet është çështje themelore. Përdorni informacionin më poshtë për të kuptuar më mirë kalimin nëpër fazat e procesit.
» Shtëpitë e krahasueshme që janë në shitje.
Çmimet e këtyre shtëpive kanë ndikim të madh në çmimin e shitjes
së shtëpisë tuaj. Shikoni për 6 muajt e fundit shitjet
dhe ato që janë ende pa u shitur.
Agjentët DES ju ndihmojnë shumë për këtë.
Aspekte të tilla si: çmimi/m², koha e ndërtimit, çmimet e apartamenteve
të ngjashme në zonën tuaj ndikojnë shumë në këtë proces.
» Kush janë faktorët që ndikojnë te çmimet e shtëpive?
Përpiquni që bashkë me agjentin të evidentoni faktorët si më poshtë:
- Lokacioni.
Pa dyshim që lokacioni ka një rol të veçantë në çështjen e çmimit.
Varësisht nga kushtet e tregut në zonën tuaj, nëse ju jetoni në kryeqytet, qytete tjera, në qendër, në periferi apo në zona rurale dhe afërsia me shërbimet si shkollat, supermarketet, stacionet e autobuzit, bar-restorantet etj, të gjitha kanë rol në çmim. - Kushtet e shtëpisë.
Nëse ju së fundmi keni investuar në upgrade-n e shtëpisë, ose në projekte edhe më të rëndësishme, ato do ta rrisin çmimin që ju do kërkoni. Megjithatë, ngritja e çmimit do të varet nga lloji i rinovimit, kthimi i këtij investimi dhe se sa i vlefshëm është për banorët e kësaj zone.
Nëse një shtëpi ka nevojë për riparime dhe nuk i bëhen është më pak interesante për blerësit. Në çdo rast është e duhura të bëhen riparime. - Sezonaliteti.
Aktivitetet e shitjes ngadalësohen lehtësisht në dimër dhe ngrihen në pranverë, verë dhe vjeshtë, por tregu është i çuditshëm. Në dimër na figuron që shitjet vazhdojnë me ritme të mira, sepse emigrantët vijnë për festa në Shqipëri dhe blejnë prona të planifikuara. - Kushtet e tregut.
Natyrisht të gjithë shitësit duan t’i shesin shtëpitë e tyre, por çmimet e tyre jo gjithmonë janë konkuruese, sepse kjo varet edhe nga kushtet e tregut: nëse është një treg blerësish apo treg shitësish (e kemi shpjeguar tek butoni shitësi).
Disa shitës mendojnë se vendosja e çmimeve më të larta do t’i bëjë ata me më shumë para. E kundërta është e vërtetë. Shtëpia do të qëndrojë shumë gjatë në treg dhe pastaj do të shitet me çmim më të ulët sesa normalisht. - Çfarë vlere ka shtëpia jote?
Asgjë nuk mund t’i zevëndësojë dijet profesionale dhe ekpertizën lokale të agjentit të pronave. Nga shitjet e Agjencisë dhe nga gjithë informacioni i tregut të pronave, agjenti nxjerr çmimet e shitjeve në zonën e caktuar bazuar në këto informacione.
Këto janë parimet bazike për të kuptuar se çfarë ndodh me çmimet e shtëpive.
Kur ju jeni gati, ne jemi të lumtur t’ju lidhim me një agjenci DES
e me një agjent që do t’ju shoqërojë në këtë proces.
» Përse është i rëndësishëm çmimi i saktë i pronës?
Mbiçmimi mund ta lërë shtëpinë tuaj për shumë kohë pa shitur. Nëse shtëpia juaj ka dalë në shitje nën çmimet e tregut, ju do të humbisni pastër shumë para.
» Mundet ta vendos vetë çmimin e shtëpisë?
Duke u konsultuar me agjencinë, ju mund të ndihmoheni për një vlerësim më të drejtë të çmimit. Sigurisht ju mund ta vendosni vetë, por kujdes nga mbiçmimi dhe nënçmimi!
» Si i bëjnë agjentët çmimet e shtëpive për shitje?
Agjentët, siç e thamë edhe më lart kanë databazë për shitjet e 6 muajve dhe vitin e fundit, kanë njohje lokale, kanë dije për shtëpi të tjera në shitje të ngjashme me tuajën, për të gjetur çmimin më të mirë.
» Çfarë është çmimi i referencës së pronës?
Çmimet e referencës janë çmime të përcaktuara nga qeveria si çmime të përcaktuara në raste të përllogaritjeve që bëhen për kompensimet apo për taksimin e pronës. Ato nuk janë çmime të tregut. Si rregull çmimet e tregut t 137 pronave janë shumë më të larta.
P.S. Çmim tregu për një pronë është çmimi me të cilën shitet prona.
» A duhet ta rivlerësoj pronën?
Po, absolutisht po.
Me kalimin e viteve, pronat pësojnë ndryshime çmimesh. Për këtë arsye bëhen rivlerësimet. Deri tani janë bërë 2 rivlerësime të pronave në Shqipëri. Rivlerësimi çon në përcaktimin e çmimit të ri të pronës, mbi bazën e një sistemi e procedure vlerësimi.
Taksimi i pronës pas rivlerësimit bëhet sipas vlerës së re të pronës.
Pas rivlerësimit, taksën vjetore të pronës do ta paguani bazuar në çmimin e ri të nxjerrë nga rivlerësimi.
Kur ju shisni pronën, tatimi për kalimin e pronës
do të llogaritet mbi çmimin e ri të rivlerësimit.
Kujdes: Keni shumë interes financiar ta bëni
rivlerësimin e pronës sepse tatimi i kalimit të pronës
bëhet duke llogaritur diferencën
e çmimeve të blerjes dhe shitjes.
Sa më e madhe diferenca, aq më shumë para do të paguani.
» Çfarë është vlerësimi i pronës?
Vlerësuesit e pronës bëjnë vlerësimin e saj për procesin e rivlerësimit, ose këtë proces e bëjnë bankat, kur pronën tuaj do ta vendosni kolateral kur merrni kredi.
» Çfarë diference ka midis vlerësimit të pronës dhe çmimit te tregut?
Vlerësimi i pronës behet nga vlerësues, që janë të licencuar, kurse çmimi i tregut është cmimi me të cilin prona juaj shitet.
» Çfarë janë trendet e tregut lokal në zonën time?
Janë trendet që ndryshojnë vazhdimisht dhe në rast se doni të shisni pronën është e nevojshme t’i njihni ato duke u konsultuar me një agjent pronash.