Kostot që shoqërojnë procesin e shitjes së shtëpisë.
» Komisioni i agentit.
Komisioni i agjenti është një kosto e vogël, krahasuar me shërbimet profesionale, dijet, gjetja e ekspertëve të duhur, që ofron një agjent pronash. Agjenti merr komision nga shitësi
dhe blerësi që në totalin e vet shkon 4% të çmimit të pronës nga të dy.
Në vende të tjera komisionet (blerës+shitës) shkojnë deri në 6 %.
» Riparimet e shtëpisë.
Ka nivele të ndryshme të riparimit e upgrade të shtëpise. Ato pa dyshim që çojnë në rritjen e vlerës së pronës. Lyerja dhe pastrimi, rregullimi i pamjes së jashtme janë të domosdoshme për ta paraqitur shumë mirë pronën te blerësi.
Projekte më të mëdha si rinovimi i çatisë, dyshemeve, dritareve, rrjetit hidraulik
dhe ndërrimi i paisjeve hidrosanitare, etj. janë investime të rëndësishme
që mund ta rritin vlerën e pronës.
» Pagesa e utiliteteve.
Këto janë dritat, uji, gazi, menaxhimi i godinës etj. Nëse periudha nga shitja
deri te largimi juaj zgjat atëherë këto fatura nuk mund t’ia lësh blerësit të shtëpisë.
» Pagesa e pjesës së mbetur të kredisë.
Nëse keni marrë kredi në bankë për shtëpinë që po shisni, do të duhet të konsultoheni
me bankën për shitjen që po bëni, për të përcaktuar pagesën e mbetur të kredisë në bankë.
» Tatimi i kalimit të pronësisë.
Sipas ligjit i takon shitësit të paguajë te noteri pasi bëhet kontrata dhe është në momentin e kalimit të pronës te blerësi. Ajo llogaritet me formulë të posaçme nga noteri dhe ky i fundit e bën
pagesën në kadastër për llogari të shitësit.
» Kosto e transferimit.
Nëse ju e bëni transferimin me një kompani të specializuar,
do të llogarisni edhe koston e këtij shërbimi.
» Çfarë është tregu i shitësve?
Në tregun e shitësve të shtëpive, kërkesat për shitje janë më të larta
se kërkesat për blerje. Ky nuk është rasti i tregut shqiptar.
» Çfarë është tregu i blerësve?
Tregu shqiptar është i tillë. Ka shumë zhvendosje personash e familjesh brenda dhe jashtë vendit të cilët i shesin shtëpitë. Mos harrojmë edhe industrinë e ndërtimit që prodhon apartamente sikurse edhe gjendja e stokut të ndërtimit që ka Shqipëria. Është jo e thjeshtë që në këto kushte të shesësh shtëpinë tënde kur ka shumë shtëpi në shitje.
Është e zakonshme që shtëpitë të qëndrojnë gjatë në treg pa u shitur dhe shpesh shitësit janë të detyruar të ulin çmimet duke reklamuar okazione. Është shumë e rëndësishme që të punohet me agjent pronash për të bërë hapat e shpjeguara tek butoni “Blerje” në këtë website.
Duke qenë se konkurenca e shitësve është shumë e lartë, riparimet bëhen një nevojë për ta prezantuar pronën sa më mirë. Është e rëndësishme se cilat riparime duhet të kryesh.
Të gjitha zyrat DES këshillojnë se çfarë riparimesh duhet të kryesh, përmes një specialisti të Masterit.
Kjo e bën shumë konkuruese shtëpinë e shitësit dhe madje çon edhe në
rritjen e çmimit të shitjes.
Kur është koha më e mirë për të shitur shtëpinë?
Kushtet e tregut lokal të pronave të paluajtshme përcaktojnë momentin
më të mirë për të shitur. Një agjent i mirë pronash ju tregon se kur
është momenti më i mirë për të shitur.