Çfarë janë shtëpitë NET ZERO?

Shtëpitë NETO ZERO, qofshin të reja apo të rinovuara, prodhojnë aq energji të pastër sa konsumojnë.

Ato janë deri në 80% më efikase në energji sesa shtëpitë tipike dhe përdorin sisteme të energjisë së rinovueshme për të prodhuar energjinë e mbetur që u nevojitet. Pjesët e shtëpisë punojnë së bashku për të siguruar temperature të qëndrueshme në të gjithë shtëpinë, për të parandaluar rrymat dhe për të filtruar ajrin e brendshëm, për të reduktuar pluhurin dhe alergjenët.

Po si është situata e banesave në Shqipëri? Sa ndikojnë ato në rritjen e emetimeve të gazrave serë në atmosferë?

Emetimet direkte nga sektori i ndërtesave

Emetimet e drejtpërdrejta nga ngrohja e hapësirës janë ndër kontribuesit e emetimeve nga sektori i ndërtesave në Shqipëri. Furrat dhe pajisjet që mbështeten në djegien për të prodhuar nxehtësi lëshojnë dioksid karboni në atmosferë si dhe ndotës të ajrit që janë të dëmshëm për shëndetin e njeriut. Përdorimi i lëndëve djegëse shumë të djegshme rrit gjithashtu rrezikun e zjarreve dhe shpërthimeve në shtëpi e më tej. Gazi natyror, nafta, qymyri, vaji, drutë dhe peleti përdoren zakonisht për ngrohjen e shtëpive gjatë dimrit për ata që perdorin soba, oxhaqe, apo kaldaja që punojnë me këto lëndë, sidomos në  zona të ftohta.

Kërkohet që ndërtimet e reja dhe rinovimet të sigurojnë mbështjellje më efikase të ndërtesave, të reduktojnë përdorimin e energjisë, te krijojnë rehati dhe te kontribuojne në arritjen e “NETO ZERO” në kontekstet e reja të ndërtimit dhe rinovimit.

Por tregu i banesave e konsideron zeron neto si një komponente të përdorimit më të lartë dhe më të mirë? A po ndodh tashmë?

NETO ZERO nënkupton reduktimin e emetimeve të gazrave serë sa më afër zeros të jetë e mundur, në mënyrë që çdo emetim i mbetur të mund të rithithet nga atmosfera nga oqeanet dhe pyjet, si dhe nga qasjet teknologjike. Tranzicioni global në NETO ZERO përshkruhet nga Kombet e Bashkuara si “një nga sfidat më të mëdha me të cilat është përballur njerëzimi” sepse “ai kërkon asgjë më pak se një transformim të plotë të mënyrës sesi ne prodhojmë, konsumojmë dhe lëvizim”. NETO ZERO është një aspiratë e rëndësishme që bota po kërkon për shëndetin e jetën e njerëzve, për pyjet, oqeanet, stabilitetin klimatik dhe shmangien e katasrofave natyrore.