Dokumentat që mund të merrni për pronat nga ASHK duke aplikuar tek E-Albania

Çfarë dokumentash mund të merrni për pronat nga ASHK duke aplikuar tek E-Albania?

1. Aplikim për lëshim kopje kartele të pasurisë:
   Qytetari duhet të aplikoje në E-Albania për pajisje me kopje te kartelës së pasurisë.
2. Aplikim për lëshim vërtetim pronësie:
   Qytetari duhet të bëjë aplikim për pajisjen me vërtetim pronësie për pasuritë që nuk i janë nënshtruar Regjistrimit Fillestar.
3. Aplikim për lëshim vërtetimi (negativ/pozitiv):
   Qytetari dërgon një aplikim për t’u pajisur me një vërtetim që është pronar ose jo pronar i ndonjë pasurie.
4. Aplikim për lëshim kopje të fragmentit të hartës kadastrale:
   Qytetari dërgon një aplikim që të pajiset me kopjen e fragmentit të hartës kadastrale.
5. Aplikim për kopje te vërtetuara të dokumenteve tekniko-ligjore, në të cilat bazohet Regjistri i Pasurive të Paluajtshme / faqe:
   Qytetari dërgon një aplikim për tu pajisur me kopje të vërtetuara të dokumenteve tekniko-ligjore (kopje harte, kartele etj.), në të cilat bazohet Regjistri i Pasurive të Paluajtshme / faqe. Pronari ose personi që provon se ka interes legjitim, në përputhje me dispozitat e këtij ligji, ka të drejtë të marrë të dhëna dhe kopje të dokumenteve, që janë në regjistrat e pasurive të paluajtshme, kartela, në harta kadastrale, në dokumentacione të depozituara me kërkesën për regjistrim dhe në dokumentacionin që mbahet e administrohet nga zyrat vendore të regjistrimit të pasurive të paluajtshme.
6. Aplikim për konsultim të kartelës së pasurisë së paluajtshme:
   Qytetari aplikon që të marrë informacion (jo zyrtar) mbi kartelën e pasurisë së paluajtshme.
7. Aplikim për lëshim certifikate pronësie:
   Qytetari aplikon për pajisje me certifikate pronësie. Për çdo pasuri të paluajtshme, të regjistruar në kartelën përkatëse, për të vërtetuar të drejtat e pronësisë apo të drejtat e tjera reale, të krijuara në bazë të akteve të ndryshme ligjore, lëshohet vetëm një certifikatë. Kjo certifikatë i lëshohet pronarit të vetëm të pasurisë ose njërit prej pronarëve në rastet e bashkëpronësisë, të autorizuar rregullisht sipas legjislacionit në fuqi.
8. Aplikim për lëshimin e një certifikate të re kur ka humbur apo është dëmtuar certifikata e marrë:
   Qytetari bën aplikim për lëshimin e një certifikate të re, kur ka humbur apo i është dëmtuar certifikata e prones. Ai/ajo mund t’i kërkojë regjistruesit ku ndodhet pasuria e paluajtshme lëshimin e një certifikate të re. Regjistruesi afishon/publikon një njoftim për deklarimin e humbjes apo dëmtimit të certifikatës për një periudhë kohore prej 15 ditësh dhe më pas lëshon një certifikatë të re, duke bërë shënimin përkatës në kartelë për humbjen apo dëmtimin e certifikatës së mëparshme.
9. Hartim i planit të rilevimit:
   Qytetari bën një aplikim për hartimin e planit të rilevimit nga ana e punonjësve të ASHK-së.
10. Lëshim kopje të planshetës të hartës kadastrale:
    Qytetari bën aplikim për lëshim kopje të planshetës së hartës kadastrale.

Në të gjitha rastet më lart duhet të keni parasysh:

-Duhet të keni llogari personale ose të biznesit në e-albania.
-Kërkesa për kryerjen e një shërbimi nga Agjencia Shtetërore e Kadastrës (ASHK) bëhet nga kërkuesi, vetë ose nëpërmjet përfaqësuesit të tij, noteri apo asistenti i noterit.
-Kthimi i përgjigjes dhe i materialeve të kërkuara kryhet me e-mail, dhe e gjeni tek “Dokumentet e mia” në profilin e qytetarit në e-Albania.
-Afatet e daljes së dokumenatve të mësipërme nuk kaneë afat të mirëpërcaktuar.