Dhoma e ditës është shumë e rëndësishme!

Aty qëndroni pjesën më të madhe të ditës. Sipas “Feng Shui” mos e teproni me orendi se nuk lejoni të kalojë energjia “chi”.
🔮 Dhomën e ditës dhe kuzhinën shndërrojeni në një hapësirë të përbashkët, pa mure që i ndajnë ato. Kalimi i energjisë “chi” është shumë më e lehtë në një hapësirë të vetme të madhe, sesa nëpër disa hapësira të vogla. Nëse dëshironi që dhoma e ditës të duket edhe më e madhe, atëherë vendosni pasqyra në mure.
🔮 Objektet më të rëndësishme të orendive në dhomën e ditës janë kolltuqet për t’u ulur. Ato ndikojnë në gjithë ambientin e dhomës.
🔮 Ndriçimi do t’u ndihmojë që hapësira në të cilën jetoni të jetë pozitive.Dielli ushqen energjinë “chi” dhe nxit rrymimin e saj.
🔮 Shmangni orenditë e mëdha dhe mos e teproni me tekstil dhe mbulesa.
🔮 Orenditë teknike ndikojnë negativisht në energjinë “chi”, për këtë arsye televizorin vendoseni sa më larg nga vendi ku uleni. Afër televizorit, DVD-së, apo ndonjë aparati tjetër teknik, vendosni domosdo ndonjë bimë me gjethe rrethore, sepse ajo do ta zvogëlojë efektin e tyre negativ.
🔮 Që ta shndërroni dhomën tuaj të ditës një vend në të cilin do të kënaqeni dhe relaksoheni, gjatë zgjedhjes së mobileve, kujdes që ato të mos jenë rrethore, si dhe të mos kenë skaje të mprehta.
🔮 Mesi i dhomës, sikurse të gjitha hapësirat tjera, duhet të jetë relativisht i zbrazët.