Himara si destinacion i rëndësishëm turistik!

Krahina e Himarës ka shtatë fshatra: Palasa, Dhërmiu, Vunoi, Qeparoi, Kudhësi, Piluri dhe Iliasi. Kjo njihet si Himara e vogël.
Himara si krahinë shtrihet në jug-perëndim të Shqipërisë në anë të bregdetit Jon. Qyteti i Himarës është i vendosur në një gji të mrekullueshëm. Më poshtë do i referohemi vetëm qytetit të Himarës, kryeqendrës së krahinës e bashkisë me të njëjtin emër.
Qyteti i Himarës është destinacion i rëndësishëm turistik.
⛱🏖 PLAZHET – Himara shquhet për plazhet e saj shumë të bukur, shumica me zalle por edhe me rërë te bardhë e të imët.
🌊 Spilea, është plazhi qëndror i Himarës, me shumë vizitorë në verë.
🌊 Prino, Potami, Filikuri
🌊 Llamani
🌊 Livadhi
Në brigjet e Himarës, uji është shumë i ftohtë, për shkak të ujërave nëntokësore. Veç plazheve të mrekullueshme, Himara ka hotele, bare e restorante shumë të mira. Fshati më i afërt është Qeparoi, një perlë e vogël e bregut.
🏰 🏛 OBJEKTET HISTORIKE- që ndodhen në qytetin e Himarës e rrethina janë:
🏰 Qyteti i vjetër i Himarës, dhe kalaja. Në kështjellë ekzistojnë shenja të pranisë së pandërprerë të banorëve vendorë Iliro-Shqiptarë për më shumë se 3500 vjet.
🏰 Kalaja e Palermos
Në Jug të Himarës, në një gadishull të vogël, brenda gjirit të sigurtë me të njëjtin emër, ndodhet kështjella e Bukur e Palermos, e ndërtuar në fillim të shekullit 19 nga Ali Pashai i Janinës dhe që sot ruhet në gjëndje shumë të mirë. Kështjella është ndërtuar në vendin e gërmadhave të një kalaje të vjetër dhe të një manastiri që ekzistonte atje.
🏰 SHPELLA E PIRATEVE – Në veri të Himarës, anës detit ndodhet një shpellë e madhe, në të cilën mund të hysh vetëm nga deti. Mjedisi është interesant dhe bregu ideal për të bërë banjë i vetëm. Legjenda flet se kjo shpellë dikur ishte strehe e piratëve.
🏰 QEPAROI I VJETËR (i sipërm) –Fshati ndodhet 15 min nga Himara me makinë. Ka pamje të bukur dhe arkitektonikë tradicionale. Gjithë rrugicat me kalldrëm dhe kishat e vjetra përbëjnë një figurë magjepsëse.
🏰 KESHTJELLA E SOPOTIT( Borshit) –
Afër fshatit Borsh, në majën e kodrës, gjënden gërmadhat e kështjellës Shqiptare të Sopotit.
Në Himarë mund të blini shtëpi, apartamente dhe tokë bujqësore ose truall.