Hipoteka, 1020 personat që kanë gati tapitë e shtëpive në Tiranë!
Janë 1020 persona, të cilët janë pjesë e listës së publikuar nga ZRPP, Tiranë, që kanë përfituar lejen e legalizimit dhe që duhet t’i drejtohen Hipotekës së rrethit për të aplikuar për çertifikatën e pronësisë.
Proçedurat për marrjen e tapisë janë ndjekur nga ALUIZNI, por përfituesit duhet të shkojnë në Zyrën e Regjistrimit të Pasurive të aplikojnë për tapinë. Pas ndryshimeve të fundit ligjore, qytetari do të marrë një kopje për të vërtetuar mbarimin e proçesin të legalizimit, por gjithë proçedura vijuese për regjistrimin në Zyrën e Hipotekës do të bëhet nga Agjencia.
Ndërkohë që sipërfaqja e parcelës, për të cilën miratohet kalimi i së drejtës së pronësisë, nuk mund të jetë më e madhe se 3-fishi i sipërfaqes së bazës së ndërtimit dhe për ndërtimet pa leje me funksion banimi jo më shumë se 500 m².
Sipërfaqet mbi masat e përcaktuara në këtë pikë, të cilat, për shkak të përmasave ose konfiguracionit nuk mund të shfrytëzohen më vete për ndërtim, i shiten poseduesit të ndërtimit pa leje sipas vlerës së pronës, të miratuar me vendim të Këshillit të Ministrave, vetëm nëse ka shprehur më parë vullnetin, nëpërmjet një kërkese me shkrim. Emrat e listës i gjeni në linkun më poshtë:
