Ndarja e trojeve për ndërtim banese që kanë bërë bashkitë pas 1991 për nevojat e qytetarëve!

Në shumicën e tyre janë dhënë pa kryer procedura të rregullta dhe përfundimtare. Ndërkaq qytetarët kanë vijuar ndërtimin e banesave, por e kanë patur të pamundur të rregjistrojnë njësitë e tyre, për shkak të dokumentacionit të mangët të truallit.

Më 22.05.2019 eshte miratuar Vendimi i Këshillit të Ministrave nr. 329: “Për përcaktimin e rregullave të bashkërendimit të punës së bashkive me agjencinë shtetërore të kadastrës, për regjistrimin e trojeve të dhëna për ndërtim nga njësitë e qeverisjes vendore dhe për rregullimin e marrëdhënieve juridike të pronësisë mbi këto troje, për efekt regjistrimi”

🏮 Sot në të gjithë vendin janë rreth 12-13.000 banesa dhe troje në këtë situatë absurde, ku rekordin e mban Saranda me rreth 3500 troje të dhëna në këtë mënyrë.
🏮 Të tilla troje ka me shumicë edhe në Gjirokastër, në Përmet, Kolonjë, Tepelenë, Berat, Fier, Elbasan, Lezhë, Kukës, Shkodër, etj
🏮 Personat që kanë ndërtuar pas Vitit 1991, ata që kanë ndërtuar në vitet 1996-1997 dhe në vitet 2006-2007 në truallin që u ka dhënë Bashkia dhe nuk kanë marrë certifikatë pronësie për ndërtesat, sipas parashikimeve të kësaj VKM do të përfshihen në procesin e regjistrimit dhe pajisjes me Certifikate Pronësie.