Shndërroni shtëpinë tuaj në një mjedis të freskët e stimulues!

Shndërroni shtëpinë tuaj në një mjedis të freskët e stimulues!
Ndiqni këshillat e DES Real Estate Ekspert:

1. Përcaktoni hapësirën tuaj të jetesës!
Zonë të veçante për “palestër”, për punë dhe për kohën e lirë: në dhomën e ndenjes shikoni TV dhe punoni në internet, në dhomën e gjumit ju mund të shikoni filma në shtrat, në korridor ose ballkon ju bëni ushtrime, merrni rreze dielli, hani mëngjesin.

2. Eksperimentoni me ngjyrat!
Lyerja e mureve është një nga mënyrat më të lira për të gjallëruar çdo shtëpi.
Zgjidhni ngjyrat neutrale. Nëse preferoni diçka më dramatike, përdorni jeshilen dhe blunë, ato janë më të lidhura me shëndetin, qetësinë dhe mirëqenien. Përndryshe përdorni jastëkë, një qilim zone, perdet ose vepra arti, për të pasuruar me ngjyra shtëpine tuaj.

3. Rregulli dhe rrëmuja!
Nuk ka mënyrë më të mirë për të krijuar harmoni sesa rregulli! Përfitimet e një hapësire të rregullt shtrihen përtej estetikës. Hulumtimet kanë zbuluar se pastrimi i rrëmujës ul nivelin e stresit.

4. Bëni detoks dixhital!
Zvogëloni varësinë tuaj nga ekrani, caktoni kohën e drekës si kohë pa telefon, largoni pajisjet e teknologjisë mobile nga dhoma juaj e gjumit, mos hani kurrë me televizor ndezur etj.

5. Gjallëroni ambientin me aroma!
Aroma është një mjet i fuqishëm për ngritjen e humorit tuaj. Përdorni aroma si kedri, rozmarinë, trëndafila, borzilokë, lule të freskëta, parfume ambienti me cilësi. Për një efekt më delikat, hapni dritaren për të ekuilibruar aromën.

6. Gjelbëro dhe pastro!
Një hapësirë ​​bëhet e jetueshme kur ka elemente të gjelbërt. Bimët sjellin dritë dhe ngjyra, ato gjithashtu shtojnë oksigjen në shtëpinë tuaj.