Si të aplikoni për ndarjen e pronës pas divorcit?

Askujt nuk i këshillojmë divorcin 💏, por kur ndodh, si të aplikoni për ndarjen e pronës pas divorcit📌📌.
Bashkëshortët janë të shqetësuar për shumë çështje😇🤭 midis të cilave shumë rëndësi ka se si të aplikojnë për ndarjen e pronës🏡🚘💎🖼 pas divorcit. Në shumicën e rasteve është shumë e vështirë të pajtohen për ndarjen e saj. Nëse kontrata e martesës nuk është bërë, atëherë bashkëshortët mund të pajtohen vullnetarisht në ndarjen e pasurisë. Nëse bien dakort për një marrëveshje të përbashkët bashkëshortët mund ta ndajnë pronën sipas dëshirës, deri në transferimin e plotë të pasurisë së fituar bashkarisht. Në rast të kundërt njëri apo secili bën padi në gjykatë.
Cila është prona e përbashkët?
Prona që është fituar nga bashkëshortët në një martesë është pronë e përbashkët. Në përgjithësi, prona e tillë ndahet për gjysëm (në mënyrë të barabartë), përveç kur përcaktohet ndryshe nga gjykata. Nuk ka rëndësi në emër të kujt është regjistruar prona.
Por jo të gjitha pasuritë që janë marrë ose fituar nga bashkëshortët në procesin e martesës janë fituar së bashku. Prona e fituar bashkërisht përfshin:
📗 Të ardhurat e bashkëshortëve nga biznesi, puna intelektuale dhe aktiviteti krijues.
📗 Pensionet dhe kompensimet e tjera monetare.
📗 Pronën e luajtshme dhe të paluajtshme, e cila është blerë nga të ardhurave të përbashkēta (mobilje, ndërtesa jorezidenciale dhe rezidenciale, tokë, makina, bizhuteri dhe pajisje shtëpiake).
📗 Depozita në para, letra me vlerë, aksione në fonde investimi, aksione në biznese, të vëna gjatë kohës së martesës.

Prona e fituar bashkërisht nuk përfshin:
📕 Pronën, pasurinë e patundshme, e cila ishte e secilit para martesës.
📕 Prona që është marrë nga bashkëshortët nga palët e treta si një dhuratë ose me akt trashëgimie.
📕 Pasuri të paluajtshme që janë blerë nga njëri nga bashkëshortët me financat e akumuluara ose të marra para martesës.
📕 Pronësia e fëmijëve (të miturve).
📕 Sende personale (këpucë, rroba, etj.), përveç artikujve luksozë dhe bizhuterive.