Si t’i zgjedhni perdet e shtëpisë? 

🏵 Ato zgjidhen në varësi të stilit të mobilimit të shtëpisë, madhësisë së dritares, raportit me dritën, llojit të mjedisit si dhe buxhetit.

🏵 Perdet me ngjyrë krem qumështi shkojnë me çdo ambjent, qofshin copa me lule ose figura, ngjyrat e të cilave kombinohen me kolltuqet dhe me orenditë e tjera.

🏵 Mobilimi klasik i shtëpisë kërkon perde pak të rënda, ngjyra të ngrohta dhe kryesisht të errta si vishnje( ngjyra mbretërore), bezhë dhe kafe.

🏵 Stili modern i shtëpisë kërkon copa të lehta, të qepura thjesht. Copat e plota mund t’i mbani për katër stinët.

🏵 Copat e rënda që kombinohen me të lehta, quhen binjake, p.sh tyl pana pa dizenjo me anësore të rënda.

🏵 Në dhomën e gjumit preferohen perde të rënda.

🏵 Në kuzhinë duhen të lehta, si në copë edhe në ngjyrë.

🏵 Në dhomën e ngrënies preferohen perdet e bardha, pasi bardhësia të shton oreksin dhe të bën të ndihesh mirë kur je duke ngrënë.

🏵 Dhomat e fëmijëve duhet të kenë perde të lehta. Mjafton vetëm një tyl i qepur me percina. Në dhomat e fëmijëve ka vetevetiu shumë ngjyra.

🏵 Në dritaret e vogla mjafton një copë e lehtë me një anësore ose me dy, sipas dëshirës.

🏵 Hekurosja i bën mirë perdeve, pasi i mban copat të reja dhe i dezinfekton më mirë nëpërmjet avullit.

🏵 Perdet e shtëpisë lahen 1 – 2 herë në vit, në ambjente ku nuk pihet duhan.

🏵 Për shtëpi të mobiluara me shije të hollë, perdet zgjidhen të jenë në harmoni me tapetin/sixhaden dhe kolltuqet si ne ngjyrë, copë dhe trashësi.