Ujëvara e Sotirës, monument natyror i qytetit të Gramshit.

Ujëvara e Sotirës është monument natyre, ndodhet 22 km nga qyteti i Gramshit. Ajo buron nga mali i Tomorrit dhe është 100 m.

Në verilindje të Tomorrit, ndodhet burimi i madh që vjen nga një e çarë gjatësore në shkëmbin gëlqeror të thepisur. Lartësia e rënies së ujit varion nga 5 m, deri 20 m lartësi.

Peisazhi i shpatit ku uji del, në mes të pyjeve e pemëve të lisit, është i mrekullueshëm. Zhurma e ujit mund të dëgjohet shumë larg.

Bota bimore rreth ujëvarës është tepër e pasur me pemë bliri, lofate, frashëri, lisi e deri edhe te gështenja e egër që është e rrallë në gjendje të egër.