Vendimi për tokat e zëna, 800 pronarë përfitojnë kompensim në Berat, Fier, Shkodër, Lezhë, Vlorë dhe Tiranë!
Agjencia e Trajtimit të Pronave( ATP) do të kompensojë 800 pronarë për tokat e zëna në vite nga ndërtimet informale në Berat, Fier, Shkodër, Lezhë, Vlorë, Tiranë, Elbasan, Korçë, Gjirokastër. Zyrat vendore të regjistrimit të pasurive të paluajtshme( ZRPP) të këtyre zonave do të kryejnë ndryshimet përkatëse për këto pasuri në regjistrat e pasurive të paluajtshme, ndërkohë që pronarët që kompensohen duhet t’i nënshtrohen hap pas hapi një serie procedurash, të cilat aktivizohen pas thirrjeve nga ATP.
Dokumentat e kërkuara:
🏮 Kërkesa për kompensim në vlerë për pronarët e pasurive të paluajtshme, pronë private, që preken nga ndërtimet informale sipas formatit Tip që vihet në dispozicion nga ATP-ja.
🏮 Dëshminë e trashëgimisë për të gjithë trashëgimtarët e ligjshëm të subjektit përfitues, sipas radhës së trashëgimtarëve.
🏮 Për dëshmitë e trashëgimive të lëshuara nga gjykata, për testamentin e bërë me akt noterial të sillet certifikatë familjare e personit, për të cilin është lëshuar kjo dëshmi trashëgimie.
🏮 Vërtetimi i lëshuar nga banka e nivelit të dytë për hapjen e llogarisë bankare në emër dhe për llogari të subjektit përfitues. 🏮 Fotokopja e dokumentit të identifikimit.
🏮 Çertifikata familjare e kërkuesit dhe mandatpagesa që vërteton pagimin e tarifës së shërbimit.
Ky proces nuk është i limituar në kohë, por ka filluar pas datës 18 qershor pranë sporteleve të ATP.
🌰 Për 30 përfituesit në Tiranë, që ndodhen në fund të listës, procedurat për marrjen e tapisë ndiqen nga ALUIZNI, i cili dorëzon dosjen e plotë në Hipotekë, por pronarët duhet të shkojnë në Zyrën e Regjistrimit të Pasurive të aplikojnë për certifikatë. Pas ndryshimeve të fundit ligjore qytetari do të marrë një kopje për të vërtetuar mbarimin e procesin të legalizimit, por gjithë procedura vijuese për regjistrimin në Zyrën e Regjistrimit të Pasurive të Paluajtshme do të bëhet nga Agjencia. Ndërkohë që sipërfaqja e parcelës, për të cilën miratohet kalimi i së drejtës së pronësisë, nuk mund të jetë më e madhe se 3-fishi i sipërfaqes së bazës së ndërtimit dhe për ndërtimet pa leje me funksion banimi jo më shumë se 500 m².
Listën e 800 pronarëve që kompensohen, si dhe 30 qytetarëve të Tiranës që ndodhen në fund të listës e gjeni në linkun më poshtë:
