Çmimet e apartamenteve nuk do të ulen gjatë vitit 2023

Çmimet e apartamenteve në shumë zona të Tiranës nuk kanë ndryshuar, krahasuar me vjeshtën e 2022. P.sh. ndërtimet e reja në “Komunën e Parisit” po shiten që në nisje të investimit me çmime 2,100-2,200 euro/m². 

Konsulentët imobilarë të DES Real Estate parashikojnë se: 

• Çmimet minimale të  apartamenteve në zonat larg qendrës pritet të jenë rreth 750 euro/m2, por jo më poshtë, ndërsa çmimet maksimale do të vijojnë të jenë rreth 950 euro/m².
• Shumë familje të reja duan që të blejnë shtëpi me kreditim nga bankat, por kanë pamundësi për të parapaguar një pjesë. Bankat e nivelit të dytë do ta zgjeronin biznesin e tyre nëse pronat ekonomike do t’i kreditonin  100% të çmimit të apartamenteve.
• Një rënie të lehtë të çmimeve në pronat luksoze, kryesisht të kullave, për shkak të çmimeve të tyre të larta dhe ndërtimit të njëkohshëm të disa projekteve të tilla. Ndërtimet e reja të luksit në Tiranë kanë si target blerës me të ardhura shumë të larta. Çmimet e këtyre pronave do të ndikohen edhe nga ligji për amnistinë fiskale.
• Familjet që kanë rritur nivelin ekonomik dhe që kanë apartamente të ndërtuar shumë kohë më parë, po shesin këto dhe po lëvizin drejt banesave të reja.