Bankat po mbështesin me kredi për blerje pronash të paluajtshme vetëm individët!

#DES&Ju

Bankat po mbështesin me kredi për blerje pronash të paluajtshme vetëm individët!

Për individët që duan të marrin kredi, norma e interesit në muajin tetor për hua për shtëpi në lekë ishte rreth 3.41%, më e ulta ndonjëherë.

Nëse merr një hua hipotekore në euro, interesi vjetor është rreth 2.76%.

Shumë Individë në këtë konjukturë çmim kredie, kanë shtuar interesin për të blerë pasuri të paluajtshme, duke iu drejtuar bankave për kredi.

Të dhënat e Bankës së Shqipërisë tregojnë se indeksi i çmimit të pasurive të paluajtshme u rrit me 4.9% në 6-mujorin e parë të 2020.

Shifrat e kredisë së re duket se konfirmojnë një interes të lartë të bizneseve dhe individëve për të investuar në prona të paluajtshme, pavarësisht krizës.

Bankat kanë lehtësuar kushtet e kredisë për individët, ndryshe nga ato për bizneset. Standardet e kreditimit për individët u lehtësuan në tremujorin e tretë të vitit 2020.

Bankat i kanë kredi të sigurta, sepse banesat janë kolateral i bankës deri në pagesën e plotë të kredisë.