Proçedura që ndiqet kur blini një pronë me kredi bankare!

Nëse doni të blini një shtëpi apo një pronë me kredi bankare, duhet të aplikoni në bankën që zgjidhni Ju dhe pasi ju është miratuar kredia, do të nënshkruani kontratën e kredise dhe kontratën e hipotekimit, e cila barrëson pronën që do vihet si kolateral (garanci) për shlyerjen e kredisë së marrë.
Nëse kredia që merrni nuk e shlyeni dot, atëhere bankës i lind e drejta të fillojë procedurën në gjykatën kompetente, për të kërkuar lëshimin e urdhërit të ekzekutimit për kontraten e kredisë, e cila sipas parashikimeve të nenit 510 k.p.c përbën titull ekzekutiv.
Me marrjen e urdhërit të ekzekutimit, banka ia kalon për ekzekutim zyrës përmbarimore.
Zyra përmbarimore vihet në kontakt me kredimarrësin, duke e njoftuar për detyrimin që ka për të shlyer, sipas kontratës së kredisë dhe se në rast mospërmbushje 💵💰do te kalohet në ekzekutim të detyrueshëm.🔐.
Nëse kredimarrësi vazhdon të mospaguaj, prona e lënë kolateral nga kontrata e hipotekimit sekuestrohet dhe zyra përmbarimore organizon të gjithë proçesin e shitjes së kësaj prone nëpërmjet ankandit publik📣📣.
Ankandin publik e organizuar nga zyra përmbarimore ka tre faza🔔🔔🔔. Në rast të dështimit të këtij proçesi( nuk e blen askush🤢), prona kalon në pronësi të bankës 🖍🗞🗄 dhe ju keni humbur përfundimisht pronësinë dhe kredia quhet e shlyer.