A e dini se…

Në shkurt 2018, me VKM të posaçme, u pezulluan procedurat për njohjen e të drejtës së pronësisë mbi tokat bujqësore që garantonte Ligji nr. 7501 “Për tokën”.

Kjo VKM bllokonte në bashki dhe hipotekë për të gjithë pronat me largësi deri në 1.5 km nga bregu i detit, e cilësuar si zonë me rëndësi për fondin e mbështetjes së investimeve strategjike.
Lajmi i mirë është se kjo VKM u shfuqizua më 4 prill 2019.

Ju që keni një titull pronësie e që ndodheni në zonë bregdetare filloni procedurën për pajisjen me çertifikatë pronësie brenda datës 31.12.2019.

Procedurat e dhënies së çertifikatës së pronësisë(hipotekës) për tokën bujqësore kryhen vetëm nga Bashkitë. Aplikanti bën kërkesën në Bashki/Njesi Administrative dhe kjo e fundit ka detyrimin të përgatisë dosjen përkatëse duke bashkërenduar punën me institucionet e tjera shtetërore, deri në finalizimin e regjistrimit të tokës.

Kur ky proces ka përfunduar, bashkia njofton pronarin e tokës bujqësore të paraqitet pranë Drejtorisë Vendore të Kadastrës për tërheqjen e Çertifikatës së Pronësisë.