Legalizimet, 580 qytetarët që marrin lejet në rrethinat e Tiranës!
Agjencia e Kadastrës ka publikuar listën me 580 banorët që kanë ndërtuar pa leje në zonën rurale rreth Tiranës dhe që kanë gati lejet e legalizimit. Vetëdeklaruesit që kanë emrin në listë duhet të paraqiten pranë zyrave të Agjencisë së Kadastrës, Drejtoria Tirana Rurale (ish-komunat) me dokument identifikimi për tërheqjen e lejes së legalizimit. Përfituesit duhet të tërheqin lejen e legalizimit dhe më pas presin që Agjencia e Legalizimeve të ndjekë procedurën për pajisjen e tyre me certifikatën e pronësisë. Procedurat për marrjen e certifikatës më pas ndiqen sërish nga ALUIZNI, i cili dorëzon dosjen e plotë në Hipotekë, por përfituesit duhet të shkojnë në Zyrën e Regjistrimit të Pasurive që të aplikojnë për certifikatën. Ndërkohë, sipërfaqja e parcelës, për të cilën miratohet kalimi i së drejtës së pronësisë, nuk mund të jetë më e madhe se 3-fishi i sipërfaqes së bazës së ndërtimit dhe për ndërtimet pa leje me funksion banimi jo më shumë se 500 m².
Listën e qytetarëve e gjeni në linkun më poshtë:
