Blerja e apartamenteve në ndërtim e sipër!

Mos e refuzoni blerjen e apartamentit në ndërtim e sipër për shkak të mungesës së dokumentit përfundimtar të pronësisë! Me miratimin e ligjit “Për Kadastrën”, kontratën e sipërmarrjes, porosisë apo premtimit që do të lidhni me investitorin, keni mundësi ta regjistroni në mënyrë të posaçme në agjencinë e Kadastrës. Pas regjistrimit të kontratës, do ju lëshohet vërtetimi i regjistrimit. Ky regjistrim e bën apartamentin tuaj “të zënë” dhe që nuk mund t’i premtohet apo shitet asnjë personi tjetër. Mos harroni që në kontratë të përcaktohet qartë njësia ndërtimore sipas planimetrisë. Në të kundërt regjistrimi juaj refuzohet.