Si të shmangim dëmtimin nga rrjedhja e ujit në shtëpi?
Ktheheni nga pushimet dhe e gjeni bodrumin tuaj të përmbytur! Një rubinet i harruar natën hapur apo një tub i plasur që derdh ujë në tualetin e fëmijëve dhe familja zgjohet duke notuar.
Ekspertët vënë në dukje se edhe të ashtuquajturat “rrjedhje të padukshme” të vogla mund të rrjedhin lehtësisht një sasi të konsiderueshme uji dhe një tubi i plasur që funksionon për vetëm disa orë mund të përmbys një shtëpi.
Dhe nuk mbaron këtu, me sahatin matës të ujit, çdo rrjedhje, sado e vogël qoftë, mund të rrisë shumë faturën e ujit.
Këshillimi i klientëve kur bëhet fjalë për çështjet e rrjedhjeve:
Çështjet e rrjedhjeve të ujit mund të jenë veçanërisht shqetësuese për agjentët që punojnë me pronarët, shtëpitë e të cilëve janë të zbrazëta për shkak të divorcit, vdekjes, bashkëpronësi, largimi në emigracion etj.
Burimi më i zakonshëm i rrjedhjeve të ujit zakonisht janë rubinetat e shpërthyera, tualetet ose linjat e furnizimit të pajisjeve me ujë.
Është e rëndësishme që në këto situata sistemet hidraulike të riparohen mirë, e të kontrollohen rregullisht dhe që rubinetët të jenë mbyllur mirë. Dëmet materiale janë shpesh të mëdha, fatura e ujit vjen e kripur dhe shqetësimet me komshinjtë po ashtu janë të pashmangshme.
Ja cfare tregon një agjent i DES: Pata një blerës që nuk e inspektoi mirë shtëpinë që do të blinte edhe pse ja kërkova disa herë, por në mirëbesim të fjalëve të atij që e shiste nuk verifikoi asgjë. Brenda pak muajsh që blerësi i ri hyri në shtëpi, shiu i dendur shkaktoi përmbytjen e bodrumit të tij. Fqinjët i thanë se kjo ishte një dukuri e zakonshme dhe në fakt ishte arsyeja që pronarët e mëparshëm e shitën shtëpinë.”
Si t’i zgjidhni problemet që fillojnë në shtëpi?
- Mbani një sy hapur për pikat që rrjedhin: rubinetët, tubat, etj. Problemi mund të jetë i kushtueshëm, për të mos përmendur që nëse nuk trajtohet, dëmtimi nga uji mund të zhvillojë mykun me rreziqe reale për shëndetin.
- Kur jeni me pushime, mënyra më e mirë për të parandaluar rrjedhjet e mundshme të ujit është mbyllja e valvulës së shërbimit të ujit në hyrje, e cila zakonisht ndodhet pranë matësit të ujit.
- Mesazhi i madh është ‘ruani pronën tuaj’, kontrollojeni vazhdimisht dhe mirëmbani gjithcka që ka lidhje me ujin në shtëpi.
- Bëni sigurim të shtëpisë edhe nga dëmet që vijnë nga uji, përmbytja, etj.
Kur blini një shtëpi, kontrolloni mirë cfarë situate kanë të gjitha cështjet që shkruam më lart.
