Kush përfiton dhe si ta ndjekësh legalizimin e pronës tënde?
Legalizimi i objekteve të ndërtuara pa leje vijon të jetë një nga temat më të ndjeshme dhe të rëndësishme në tregun e pasurive të paluajtshme në Shqipëri.
Në vitin 2025, procesi i legalizimit ka hyrë në një fazë të re me disa ndryshime ligjore, teknologjike dhe procedurale.
Më poshtë po ju shpjegojmë se kush përfiton nga legalizimi këtë vit (2025) dhe si mund ta ndiqni procesin hap pas hapi.
Kush përfiton nga legalizimi në 2025?
Sipas Agjencise Shtetërore te Kadastrës (ASHK), përfitues janë:
- Shtetasit që kanë ndërtuar banesa para vitit 2020 në tokë shtetërore apo private pa leje ndërtimi.
- Familjet që kanë ndërtuar për qëllime banimi dhe jo komerciale.
- Pronat për të cilat nuk ka konflikt pronësie dhe janë të identifikuara në terren.
Ndërsa objektet me ndikim të madh në mjedis që janë ndërtuar pa leje në zona të mbrojtura si dhe ndërtimet shumëkatëshe të ndërtuara pa leje nuk përfshihen në legalizim.
Cilat janë hapat që duhet të ndiqni për procesin e legalizimit të objektit tuaj?
- Aplikimi fillestar bëhet në portalin e-Albania ose pranë zyrave të ASHK-së, duke dorëzuar dokumentet e kërkuara të cilat janë:- Deklaratë vetëdeklarimi,
– Plani i objektit,
– Certifikata e familjes,
– Vërtetim pronësie për truallin - Verifikimi teknik dhe juridik:Specialistët e ASHK-së verifikojnë ekzistencën e objektit në terren, përputhshmërinë me kriteret ligjore dhe dokumentacionin pronësor.
- Tarifa e legalizimit varet nga sipërfaqja, lloji i objektit dhe zona gjeografike.
- Pas miratimit përfundimtar, qytetari pajiset me certifikatën që i jep të drejtën ligjore të shesë, dhurojë apo lërë me testament pronën e legalizuar.
Çfarë ka ndryshuar në 2025?
- Procesi është më i digjitalizuar, duke reduktuar nevojën për kontakte fizike dhe ndërhyrje burokratike.
- Ka afate më të shkurtra për shqyrtimin e dokumentacionit (maksimumi 60 ditë).
- Është vendosur prioritet për legalizimet në zonat rurale dhe për shtresat në nevojë
Legalizimi dhe tregu i pasurive të paluajtshme
Legalizimi rrit vlerën e një prone në treg, pasi e bën të shitshme dhe të pranueshme për kredi bankare. Investitorët e interesuar për objekte ekzistuese preferojnë pronat e
legalizuara për shkak të sigurisë juridike. Shitësit përfitojnë nga mundësia për të shitur pronën në një vlerë më të lartë.
Legalizimi mbetet një mundësi reale për mijëra familje shqiptare që dëshirojnë të rregullojnë statusin juridik të banesës së tyre. Me përmirësimet e reja të vitit 2025, procesi është bërë më i drejtë, më i shpejtë dhe më pak burokratik.
Këshillë nga DES Real Estate: Nëse nuk je i sigurt nëse banesa jote përfiton nga legalizimi, ose ke nevojë për ndihmë në aplikim, na kontakto. Ekspertët tanë mund të të orientojnë dhe asistojnë gjatë gjithë procesit.
