Shtëpia dhe ndriçimi!

Shtëpia dhe ndriçimi!

Nëse e ke gjetur shtëpinë e ëndrrave, kujdesu që çdo detaj i saj të jetë perfekt pasi çdo investim që bëni rrit vlerën e saj, duke ju mundësuar që në të ardhmen ta shisni më shpejt dhe më shtrenjtë.

Një element shumë i rëndësishëm që ndikon në komoditetin e shtëpisë tuaj është ndriçimi. Kemi përgatitur për ju disa këshilla të domosdoshme, të cilat nëse ndiqen me kujdes, e bëjnë ndriçimin e shtëpisë tuaj të jetë funksional dhe shumë profesional.

4 Këshilla të domosdoshme për ndriçimin e duhur të shtëpisë tënde!

1. Ndriçimi i dhomës së ndenjes.

Ndriçoni 3 kënde të dhomës dhe fokusoni ndriçimin në një objekt (pikturë, tavolinë, kolltuk, etj). Kombinoni ndriçuesit e tavolinës me ndriçuesit stativë të tokës, duke krijuar kështu disa shtresa ndriçimi.

2. Ndriçimi i kuzhinës.

Fokusoni ndriçimin në banakun e kuzhinës, duke përdourur ndriçues të varur. Meqenëse kjo është zonë ku kryhen disa aktivitete, duhet të jetë sa më mirë e ndriçuar. Për ndriçimin e rafteve të bufesë mund të përdorni shirit led. Jo vetëm do të krijoni kështu një efekt estetik të këndshëm por krijoni ndriçim të mjaftueshëm për të kryer me lehtësi aktivitete si gatimi apo të tjera.

3. Ndriçimi i dhomës së gjumit.

Dhoma e gjumit është ambienti më intim i shtëpisë. Funskioni primar i kësaj hapësire është shplodhja dhe relaksimi prandaj duhet të jeni të kujdesshëm që ndriçimi që zgjidhni të jetë i ngrohtë. Përdorni ndriçues tavoline, të varur apo stativ të cilët duhet ti vendosni në komodinat anash krevatit, për ta mbajtur ndriçimin larg qendrës së dhomës.

4.Tualeti.

Tualeti është ambjenti që i dedikohet kujdesit ndaj vetes prandaj duhet t’i kushtohet rëndësi ndriçimit të pasqyrave. Mund të përdorni ndriçues mural të vendosur anash pasqyrave ose shirit led përreth tyre. Në hapësira të mëdha, rekomandohet edhe vendosja e ndriçimit direkt në hapësirën e dushit.