Të jetosh në mënyrë natyrore!

Sipas “Feng Shui” sa më afër mënyrës natyrore të të jetuarit që jemi, aq më shumë baraspeshë do të kemi në jetë.
“Feng Shui” bazohet në mendjen e shëndoshë, logjikën dhe njohjen e rregullave të natyrës, nga vjen edhe emri (Feng Shui, do të thotë “ujë dhe erë”).
Era nxit lëvizjen e energjisë jetësore, ndërsa uji e pranon dhe e përhap atë energji më tutje.
Energjia jetësore lëviz nëpër pesë elementë: dru, zjarr, tokë, ujë dhe metal, të cilët në mënyrë simbolike tregojnë qarkullimin e energjisë së caktuar.
🔺Druri – simbolizon energjinë e cila përhapet në të gjitha anët, përvijon nëpër të gjitha sipërfaqet e drurit nëpër shtëpi dhe nëpër ngjyrën e gjelbër. Ndërsa sezoni i tij vjetor është pranvera.
🔺Zjarri – nëpër të rrjedhin tonet dhe ngjyrat e shndritshme (nuancat e kuqe dhe portokalli).
🔺Toka – paraqet energjinë e cila qarkullon rreth boshtit të vet. Paraqet fillimin dhe fundin e jetës dhe e karakterizojnë ngjyra e verdhë dhe kafe.
🔺Metali – paraqet energjinë e parave, ndërsa është i pranishëm në gjithçka që përmban metal.
🔺Uji – paraqet energjinë e rënies dhe aty është e pranishme qetësia maksimale. Sezoni vjetor i kësaj energjie është dimri, ndërsa ngjyra e saj është e kaltra. Detajet të cilat e karakterizojnë këtë element janë qelqi dhe kristali.
Përshtatja e hapësirës me elementet natyrore është shumë e rëndësishme në energjinë që merrni nga shtëpia ku jetoni.