{A e dini se…}

Janë rreth 10 400 apartamente në Shqipëri, që ndodhen në pallate të braktisura nga ndërtuesit dhe për të cilat ka përfunduar proçesi i legalizimit nga Aluizni. Banorët e këtyre pallateve, që nuk kanë marrë ende hipotekën për apartamentet e tyre duhet të bashkohen e të zgjedhin një përfaqësues, i cili të ndjeki proçedurat për legalizimin me Aluiznin si dhe hipotekimin më pas.
Drejtoritë e ALUIZNI-t kryejnë legalizimin në favor të poseduesve të apartamenteve të pallatave të ndërtuara nga subjektet ndërtuese, për te cilët janë hapur proçedurat e falimentimit apo nuk zhvillojnë veprimtari tregtare për më shumë se 2 vjet.
Poseduesit e apartamenteve apo njësive të tjera duhet të dorëzojnë brenda 30 ditëve nga data e afishimit publik, dokumentacionin që provon marrëdhënien juridiko-civile me subjektin ndërtues/investitor (kontrata).