A keni lavanteri në shtëpi?

Dhoma e utiliteteve, lavanteria, depo, janë ambjente shumë të nevojshme në shtëpi. Do ndalemi tek lavanteria: është dhoma ku vendoset lavatriçja dhe tharsja e rrobave( ngjan si lavatriçe), rrobat e palara, të lara, hekuri, tavolina e hekurosjes, solucionet e nevojshme për këto proçese, si dhe dollapet, koshat, raftet etj. Rrobat lahen, thahen, hekurosen, varen. Është tepër i nevojshëm lavaman i madh për të larë rrobat që lahen me dorë, për të larë qenin, macen , çizmet e gomës etj. Ka shumë modele lavamanësh të cilat trasformohen në vaska të vërteta për të larë rrobat , të cilat realizohen me qeramikë ose me materiale të tjera sintetike por që i rezistojnë goditjeve, acidit, solucioneve të pastrimit dhe të lehta për pastrim.