A mund të shitet një pronë e paluajtshme e hipotekuar ndaj një Banke?

Pronat e paluajtshme janë sendet që garantojnë në mënyrën më të sigurtë shlyerjen e një kredie. Bankat i preferojnë ato mbi çdo garanci tjetër. Por, nëse ju keni hipotekuar pronën tuaj për të garantuar kthimin e kredisë, dhe, në vijim, ju janë paraqitur mundësitë që ta shisni atë, hipotekimi i pronës nuk pengon realizimin e shitjes.

Më poshtë gjeni hapat që duhet të ndiqni:

✅ Të tregoheni transparent me blerësin potencial duke i bërë me dije hipotekimin e pronës në favor të Bankës.
✅ Të propozoni lidhjen e kontratës premtim për shitje në formë të noterizuar dhe me nënshkrimin e saj, të paguhet prej blerësit ajo pjesë e çmimit që përkon me shumën e pashlyer të kredisë suaj bankare.
✅ Të paguani ndaj Bankës këtë shumë me qëllim likuidimin e plotë të kredisë.
✅ Të lëshohet Deklarata Noteriale nga Banka për heqjen e hipotekës ndaj pronës suaj.
✅ Të kryhet regjistrimi i Deklaratës Noteriale në Drejtorinë Vendore të regjistrimit.
✅ Të lëshohet kartela e re e pronësisë që shfaq gjendjen e lirë të pronës që jeni duke shitur.
✅ Të lidhet kontrata e shitjes me blerësin brenda 72 orësh nga lëshimi i kartelës së pronësisë, dhe të paguhet prej tij diferenca e mbetur e çmimit të shitjes.