Çmimet e referencës, Durrësi

Durrësi ka nje sasi të mirë apartamentesh në shitje. Kërkesat më të mëdha janë për sipërfaqe të vogla, apartamente 1+1. Kërkesa ka për të investuar, për të hapur një biznes, duke blerë troje apo objekte me vlerë.
Emigrantët, çiftet e reja dhe të huajt janë blerësit më të mëdhenj.
Çmimet e apartamenteve me qira në zonat më të shtrenjta luhaten nga 150-350 euro/muaj, ndërsa në periferi apartamentet kushtojnë nga 80-150 euro/ muaj. Vlera e apartamenteve në shitje varion nga 500 – 800 euro/ m² në qendër, në 400 – 500 euro/m² në periferi dhe 350-450 euro/m2 në pallatet në plazh.
Zonat me çmimet më të larta janë: Vollga, vija e pallateve pranë shëtitores Taulantia, bulevardi Dyrrah dhe ai Epidamn, në qendër, pranë Bashkisë deri te ish-lulishtja 1 Maji si dhe pallatet e reja të ndërtuara me cilësi të lartë.
Zonat me çmime më të lira janë: Ish-Këneta dhe Spitalla.