fbpx

E bukura Shqipëri! 

E bukura Shqipëri!

Kepi i Rodonit është një rrip toke në formë gadishulli që futet në brendësi të detit Adriatik.
Është kepi më i madh në vendin tonë. Paralel me bregun e tij shtrihen kodra argjilore, ndërsa një pjesë e tyre mbulohen nga pyje të vogla.

Këtu ndodhet Kalaja e Rodonit e cila u ndërtua nga Skënderbeu rreth viteve 1451-1452. Punime plotësuese në të u bënë edhe në vitin 1463, kur Skënderbeu solli disa mjeshtra raguzianë të ndërtimit.

Kalaja e Rodonit nuk ishte një kala e mirëfilltë, por një fortifikim i cili përbëhej nga një mur mbrojtës me gjatësi 100 m që shtrihej nga një breg i kepit në bregun tjetër.

Pas vdekjes së Skënderbeut kalaja u mor nën kontroll nga Venediku. Pranë kështjellës së Kepit të Rodonit ndodheshin edhe katër manastire katolike ndër të cilët Shën Ndout ishte i vetmi objekt që ekziston dhe është në foto më lart!