Feng Shui!

Feng Shui është një praktikë e bazuar në idenë se shtëpia është pasqyra e asaj çka ndodh brenda jush. Qëllimi i Feng Shui-t është të lidhë mjedisin me atë çka jeni dhe se ku dëshironi të shkoni, duke harmonizuar energjinë tuaj me atë që qarkullon në shtëpi.
🌈 Kuzhina është vendi kryesor sipas Feng Shui sepse kontrollon gjithë rrjedhën e lumturisë në familjën tuaj. Krijoni energji pozitive duke vendosur drita më shumë në të.
Largoni pajisjet e kuzhinës që nuk i përdorni dhe mbajeni sa më të pastër. Provoni ngjyra të hapura në muret e kuzhinës si ngjyra e verdhë sepse krijon ngrohtësi.
🌈 Dhoma e gjumit duhet të ketë ngjyra relaksuese si ajo e gjelbër e hapur, e kaftë, çokollatë etj. Pikturat e vendosura në dhomën tuaj duhet të zgjidhen me kujdes!
🌈 Koka e krevatit të jetë sa më larg derës, por jo përballë saj.
🌈 Vendoseni shtratin në mes të dy tavolinave të vogla anësore.
🌈 Gjërat poshtë krevatit përçojnë energji gjatë gjithë natës. Mos përdorni krevate me sirtarë nën të dhe mos vini asgjë poshtë krevatit!
🌈 Dhoma e pritjes duhet të krijojë një ndjenjë të ngrohtë për ju. Përdorni ngjyra neutrale si ngjyrë kremi, hirit, por mos harroni ngjyrat e ngrohta si e kuqja për dekore të pjesëshme.
🌈 Një pasqyrë e madhe, e bukur, që reflekton tavolinën, është perfekte. Pasqyrat qarkullojnë energjinë. Nëse pasqyra reflekton një pamje jo tërheqëse, ndërrojini vendin.
🌈 Për dhomën e ngrënies përdorni ngjyra të qeta si e kaltër e hapur, dhe ngjyrë kremi. Përdorni tekstura të ndryshme( tapiceri muri) në të. 🌈Tavolina e ngrënies më e mira është në formë rrethi apo ovale, e vendosur në mes të dhomës. Një me formë katrore apo drejtkëndëshe mund të mos jetë aq e mirë sa ovalja apo e rrumbullakta, e cila lejon energjinë të kalojë më lirshëm.
🌈 Hyrja duhet të krijojë një ndjenjë të ngrohtë. Dera e hyrjes duhet të jetë dera më e madhe në shtëpinë tuaj. Përdorni ngjyra si e kuqe dhe e bardhë për ta dekoruar ate.