Publikohen emrat e rinj të pronarëve që do të marrin 210 milionë lekë shpërblim për tokat e zëna nga ndërtimet informale. Fondi ndahet për 800 subjekte në 10 qarqe!
Kompensimi për tokat e zëna, ndryshon formula, 1.7 mln euro pronarëve.
Vendimi/ Publikohen emrat e rinj të pronarëve që do të marrin 210 milionë lekë shpërblim për tokat e zëna nga ndërtimet informale. Fondi ndahet për 800 subjekte në 10 qarqe.
Këshilli i Ministrave ka miratuar dje kalimin e të drejtës së pronësisë në favor të subjekteve përfituese për 512 parcela ndërtimore të objekteve të legalizuara dhe kompensimin financiar të pronarëve të pasurive të paluajtshme që preken prej tyre. Sipas vendimit, sipërfaqja e përgjithshme që kompensohet është 41 000 m² dhe vlera e përgjithshme e kompensimit financiar është 211 milionë lekë. Numri i parcelave ndërtimore, për të cilat miratohet kalimi i pronësisë sipas qarqeve, është, si më poshtë vijon: a) Për Qarkun Tiranë numri i parcelave ndërtimore është 131, me sipërfaqe të përgjithshme 25 465 m²; b) Për Qarkun Berat numri i parcelave ndërtimore është 1, me sipërfaqe të përgjithshme 215 m²; c) Për Qarkun Shkodër numri i parcelave ndërtimore është 29, me sipërfaqe të përgjithshme 9 189 m²; ç) Për Qarkun Elbasan numri i parcelave ndërtimore është 196, me sipërfaqe të përgjithshme 56 015 m²; d) Për Qarkun Durrës, numri i parcelave ndërtimore është 23, me sipërfaqe të përgjithshme 5 495 m²; dh) Për Qarkun Gjirokastër numri i parcelave ndërtimore është 42 me sipërfaqe të përgjithshme 8 060 m²; e) Për Qarkun Vlorë numri i parcelave ndërtimore është 43 (dyzet e tre), me sipërfaqe të përgjithshme 18 362 m²; ë) Për Qarkun Fier (drejtoritë vendore të Agjencisë Shtetërore të Kadastrës Fier dhe Lushnjë) numri i parcelave ndërtimore është 25, me sipërfaqe të përgjithshme 7 053 m²; f) Për Qarkun Lezhë numri i parcelave ndërtimore është 15 me sipërfaqe të përgjithshme 3 631 m²; g) Për Qarkun Kukës, numri i parcelave ndërtimore është 4, me sipërfaqe të përgjithshme 726 m²; gj) Për Qarkun Korçë numri i parcelave ndërtimore është 2, me sipërfaqe të përgjithshme 793 m².
