![](https://desrealestate.al/wp-content/uploads/2019/06/house-images.jpg)
Regjistrimi i fitimit të së drejtës së pronësis, dokumentat që nevojiten
Regjistrimi i fitimit të së drejtës së pronësisë për pasuritë e paluajtshme nga muaji maj, bëhet nga zyrat Vendore të Kadastrës, mjafton që të verifikohet që akti i marrjes së tokës në pronësi, të ketë këto elementë:
✅ Emrin dhe mbiemrin e përfituesit apo të përfaqësuesit të familjes bujqësore, përfituese të tokës bujqësore;
✅ Identifikimin e organit që e ka lëshuar AMTP-në, që përfaqësohet nga kryetari i komisionit të ndarjes së tokës, për aktet e lëshuara deri në 15.8.2008, ose nga kryetari i njësisë së qeverisjes vendore, për AMTP-të e lëshuara në zbatim të ligjeve nr. 9948, datë 7.7.2008, të ndryshuar, nr. 57/2012 dhe nr. 171/2014;
✅ Të dhënat identifikuese të pasurisë/ve të dhëna në pronësi: ku detyruese janë numri kadastral apo toponimi i ngastrës/ve, sipërfaqja dhe lloji i tokës bujqësore;
✅ Njërën nga këto vula si; të komitetit ekzekutiv të fshatit të bashkuar, të kryeplakut, të njësisë së qeverisjes vendore, të ndërmarrjes bujqësore, të këshillit të rrethit/këshillit të qarkut;
✅ Përputhjen e llojit të pasurisë së disponuar me AMTP-në me ndonjërën nga llojet e pasurive të kadastruara në zërin “Tokë bujqësore”.
♦️♦️ Pavaresisht menaxhimit apo jo te zones kadastrale ku prona ndodhet, qytetaret duhet të ndjekin procedurat për tu pajisur me certifikate apo vërtetim hipotekor njëlloj sikur zona të ishte e menaxhuar, duke ndjekur hapat që përcakton VKM NR. 994, datë 09.12.2015, ‘Për proceduren e regjistrimit të akteve të marrjes së tokës në pronësi’ të ndryshuar.