Si duhet të veproni kur ngrijnë tubacionet e ujit në shtëpi?

Nuk keni ujë në shtëpi se kanë ngrirë tubacionet e ujit?🚰🚿🛁🔗
Tubacionet e ngrira mund të shpërthejnë dhe të shkaktojnë probleme të mëdha, nëse nuk trajtohen menjëherë. ⚡️⚡️Shenja e parë e ngrirjes së tubacioneve është nëse e hapni rubinetin dhe nuk del ujë, ose rrjedh shumë pak. Por, çfarë duhet të bëni në raste të tilla:
☃️💧 Së pari, duhet të mbyllni ujin tek rubineti ose, për të qenë i sigurt, në të gjithë shtëpinë tuaj.
☃️💧 Nëse mundeni, ndiqni tubin prapa rubinetit, për të parë nëse pjesë të tubit janë fryrë ose kanë akull jashtë.
☃️💧 Një tub i ngrirë, i ekspozuar, mund të shkrihet mjaft lehtë. Ju mund të përdorni një tharëse flokësh në tubin e ngrirë, ose edhe të vendosni një peshqir të nxehtë.
☃️💧 Ndërsa tubat që janë nëntokë, në mure të jashtme ose në dhoma të pangrohura, janë më të komplikuar për t’u zhbllokuar.
☃️💧 Ngrohja e shtëpisë mund të ndihmojë në zhbllokimin e tubacioneve por do të kërkojë shumë kohë.
☃️💧 Përndryshe, mund të provoni të mbani një llambë të fuqishme infra të kuqe mbi pjesën e një muri ku mendoni se tubi ka ngrirë.