Spilleja, me vijë bregdetare 4 km do të zhvillohet si një lokalitet turistik bregdetar dhe lokal.

#DES&Bregdeti

Spilleja, me vijë bregdetare 4 km do të zhvillohet si një lokalitet turistik bregdetar dhe lokal.

Ministria e Turizmit dhe Mjedisit e ka përcaktuar si prioritet zhvillimin e turizmit me hotele, resorte dhe qendra rekreacioni.

Në nivel rajonal do të forcohen lidhjet rrugore me autostradat Durrës-Lushnjë dhe Thumanë-Lushnjë të cilat kryqëzohen në afërsi të aksit lidhës me Spillenë.

Do të zhvillohen lidhjet me Parkun Kombëtar të Divjakës e Karavastasë dhe Kalanë e Bashtovës në jug, Plazhin e Gjeneralit dhe Kalanë e Turrës në veri.

Do të promovohet agroturizmi e turizmi tematik i gastronomisë, ullirit, Bashtova Festival etj. Do të ndërtohet moli në Spille dhe do të zhvillohet peshkimi në Kanalin e Bashtovës dhe në lumin Shkumbin.

Natyra e zonës do të promovohet me ndërtimin e shtigjeve natyrore për këmbësorët dhe për çiklistë.